للأمير خالد الفيصل
فزَّ الخفوق وقلت ياالله عسى خير
أثر الَّليالي عاد غايـب قمرهـا
مع شوفته نشوه وفـزَّه وتخديـر
وعيون خـلاَّنٍ تعانـق نظرهـا
يتوق له قلبي كمـا فـزِّة الطَّيـر
والرِّجل كن الَّلي تحتها غدرهـا
ياصبح عمري ياصباح التِّباشيـر
نوره ملا قلبي وروحي غمرهـا
عقب الفراق الَّلي تعدَّى المحاذيـر
يبَّس غصون القلب جافي دهرها
ربَّع بروحي عقب ماهي معاسير
سحابةٍ هلَّـت بقلبـي مطرهـا
وأسقى بها زرعة هوانـا بتقديـر
غرسـة غـرامٍ بالمحبَّـه بذرهـا
ياناس أحبَّـه والمحبَّـه مقاديـر
هذا هوى نفسي وهـذا قدرهـا
والحب ماله ياهل الحب تفسيـر
قلبيـن والله بالمحبَّـه أمـرهـا
No comments:
Post a Comment